Davao City- Walay special treatment sa suspek nga giingong adunay deperensya sa pangisip nga kalit nisakay ug nidrayb sa military truck nga nidasmag patay sa duha ka mga pedestrian ug niangol sa laing tulo pa ka mga tawo sa Bankerohan Public Market bisperas sa Pasko, Disyembre 24,2023.
Segun ni Police Captain Hazel Tuazon, Spokesperson sa DCPO, pasakaan og kasong Reckless Imprudence Resulting to Multiple Homicide, Multiple Physical Injury ug Damage to Property ang suspek nga si Crenenandy Cadiente.
Sa imbestigasyon, nasayran nga gabalik-balik na sa SPMC-Institute of Psychiatry and Behavioral Medicine kanhi Davao mental hospital ang suspek.
Gilaumang mugula ang resulta sa psychological evaluationn sa suspek karong semanaha.
Matud ni Tuazon, ang korte na ang mag-desisyon sa kaso sa maong suspek.
Naka-detain kini karon sa San Pedro Police Station ug gi-tratar sama ra usab sa ubang mga nadakpang suspek sulod sa custodial facility.
RadyoMaN Aimee Guinita
Facebook Comments
