Davao City – Gidayeg ni Davao City Mayor Sara Duterte-Carpio ang Davao City Police Office (DCPO) sa pagkasikop sa usa ka Barangay Kapitan nga si Marc Cayetano ug laing 28 ka mga indibidwal human nagsabong sa Duha Village, San Rafael, Brgy 10-A, Davao City.
Gibutyag sa Alkalde nga gawas sa Brgy. Kapitan, nalakip usab niini ang Brgy. Kagawad nga si Romeo Mamontayao ug Special Civilian Armed Auxiliary (SCAA) nga si Warren Comision diin miabot sa P245,734 ang pot money nga nakuha sa operasyon.
“So finally, kagahapon (September 6, 2020) nakakuha ang Davao City Police Office (DCPO) og dako nga catch and wala sila nagduha-duha bisan pa’g kabalo sila nga barangay captain ang ilahang gidakop and magpasalamat ta sa DCPO ana,” segun sa alkalde.
Gibutyag sa Alkalde dugay na nga gipanid-an ang maong iligal nga aktibidad diin gi-proseso na ang inquest proceeding kagahapong adlawa (September 7, 2020) ug human niini, gilayong i-endorso sa Department of Interior and Local Government (DILG) ang nahisgutang kaso.
RadyoMaN Kirby Manzon
