Davao City-Nakadoble alerto ang Davao City Police office atol sa Kalagkalag 2017 sunod semana.
Gipaniguro ni Davao City Police Office Director Pssupt Alexander Tagum nga adunay igong ihap sa kapulisan nga hugot nga magbantay sa 58 ka mga sementeryo ug tanang places of convergence dinhi sa dakbayan.
Nakigkoordinar ang DCPO sa mga barangay officials aron mabantayan ang mga residential areas batok sa mga kawatan nga magtake advantage sa higayon nga walay tao ang mga panimalay.
Sa Terminal hugot usab ang pagbantay nga gihimo sa mga tinugyanan sa balaod.
Giplastada na usab ang walkthrough scanner machines para mas mapadali ang pag-inspect sa mga tao.
Sumala ni Davao Overland Transport Terminal Aiza Usop nga lauman nga dili muubos sa 45,000 ka mga biyahero ang mudagsa sa terminal karong kalagkalag.
RadyoMan Aimee Guinita
