Davao City – Hugot nga ginamonitor sa Davao City Police Office (DCPO) ang pagsunod sa direktiba sa Philippine National Police (PNP) nga suspension sa Permit to Carry Firearms Outside of Residence (PTCFOR).
Sa interbyu sa DXDC RMN Davao kang Police Colonel Kirby John Kraft, Director sa DCPO, gibutyag niini nga kini ang mando gikan sa kaulohan nga epektibo sa Oktubre 1 hangtud 8, 2021 o ang panahon sa filing of Certificates of Candidacy (COC) sa mga mukandidato sa National ug Local Elective Positions alang sa 2022 National ug Local Elections.
“Nagpalabas po ang ating Chief PNP (Police General Guillermo Eleazar) ng kautosan na suspended po lahat po ng Permits to Carry Firearms Outside of Residence. So ito po ay suspended po ang yung ating PTCFOR. Ito po ay from October1 to October 8 lang po,” sulti ni Kraft.
Gitugotan lamang sa maong gun ban period nga muhupot og armas ang mga miyembro sa PNP, Armed Forces of the Philippines (AFP) ug uban pang Law Enforcement Agencies (LEAs) nga performing officials duties ug sa agency-prescribed uniforms.
Sa pagkakaron, matud sa DCPO official nga walay na-report nga Areas of Concern dinhi sa syudad sa Davao ug naglaum kini nga mamahimong malinawon ug walay mga kakulian nga mahitabo hangtud nga mahuman ang COC filing period ug bisan sa pagpadayon sa voter registration.
RadyoMaN Kirby Manzon
