Davao City – Nahimong hapsay ang nahitabong protesta sa Bagong Alyansang Makabayan-Southern Mindanao Region (Bayan-SMR) sa Freedom Park dinhi sa syudad sa Davao subay sa 72nd International Human Rights Day kagahapong adlawa (December 10, 2020).
Sa interbyu sa DXDC RMN Davao kang Police Colonel Kirby John Kraft, Davao City Police Office (DCPO) Director, gibutyag niini nga anaa lamang sa 24 ka mga indibidwal ang nitambong sa aktibidad diin nagbutang og mga lingkuranan ang otoridad aron masiguro’ng masunod ang social distancing nga usa sa protocols batok sa Coronavirus Disease 2019 (COVID-19).
“Nirerespeto naman po natin ang mga tao na magpahayag po ng kanilang saloobin. Yun lang po, under po tayo ng pandemya kaya po naglagay po tayo ng tamang lugar kung saan ma-oobserve po natin yung basic health protocols,” matud ni Kraft.
Panawagan sa maong organisasyon mao ang pagbasura sa anti-terror law ug pag pa-undang sa red-tagging sa mga aktibista ug human rights defenders.
RadyoMaN Kirby Manzon
