Sa interbyu sa DXDC RMN Davao kang Police Major Catherine Dela Rey Spokesperson sa DCPO giingon niya,niadtong 2022 unom (6) ka menor de edad ang na-rescue samtang karong tuig 2023 nisaka og napulo (10) ka minor ang na-rescue sa kapulisan human nalambigit sa illegal nga droga.
Segun ni Dela Rey, usa sa hinungdan nga malambigit ang mga menor de edad sa maong binuhatan kay wala mabantayi ug wala mamonitor sa ilang ginakanan ug uban nadala sa barkada.
Gi-awhag sa opisyal ang mga ginikanan nga bantayan nila ang ilang mga anak og gikinahanglan usab ang giya sa mga ginikanan aron dili malambigit sa bisyo ug krimen.
“Importante gyud ang proper guidance sa mga ginikanan kay ang pinaka first gyud diha sa panimalay matudloan ang kabatan-onan unsay tama o unsay mali”,sulti ni Dela Rey.
Kahinumdoman nga niadtong milabay’ng semana karon bulan sa Abril 2023 laing upat menor de edad ang na-rescue sa mga kapulisan sa Toril human nakuhaan og pinaugang dahon sa marijuana atul sa gipahigayon nga buy bust operation.
RadyoMaN Don Pulayao
