Davao City – Nagpadayon ang gihimong threat assessment sa Davao City Police Office (DCPO) sa mga personalidad nga nisumite sa ilang mga aplikasyon alang sa gun ban exemption.
Sa interbyu sa DXDC RMN Davao kang Police Col. Kirby John Kraft, DCPO City Director, gipaniguro nila nga muagi kini og stringent screening process ang mga aplikasyon ug isumite nila sa Commission on Elections (COMELEC).
Gibutyag ni Kraft, adunay nag-apply nga mga businessman, politicians, kandidato ug finance officer nga nagkinahanglan og proteksyon nga mamahimong target sa kidnapping ug uban pang matang sa hulga sa ilang kinabuhi samtang gawas ug sulod sila sa dakbayan.
Hugtanong gibarugan sa DCPO nga nagpabilin silang non partisan ug patas ang paghatag nila’g seguridad sa katawhan diha sa pagkab-ot sa malinawon ug hapsay nga National and Local Election 2022.
RadyoMaN Aimee Guinita
Facebook Comments
