Davao City – Nagpadayon ang pagpanakop sa Davao City Police Office (DCPO) sa mga violators partikular sa ilang area of responsibility ilabina sa wala nituman sa health protocols ilawom sa Modified General Community Quarantine (MGCQ).
Sa datus nga gipagawas sa DCPO, anaa sa 1,374 ka mga violators sukad nagsugod ang COVID-19 niadtong bulan sa Marso 15 hangtod Agosto 25 ning tuiga, 432 ka mga individual ang nakalapas sa liquor ban, 518 sa social distancing, 194 wala nagsu-ot sa face mask, 230 ka mga violators wala maggamit sa motor barrier samtang 2,063 ang nafile nga kaso.
Subling gipahimangnoan ni Police Capt.Rosario Aguilar DCPO Spokesperson, ang katawhan nga motuman sa balaud nga giimposar sa dakbayan ilabina sa paggamit sa motor barrier.
Dugang ni Aguilar, sa mga wala pa’y motor barrier dili sa magpa- backride sa ilang motorsiklo.
RadyoMaN Don Pulayao
