Sa interbyu sa DXDC RMN Davao kang Police Captain Hazel Tuazon, Davao City Police Office (DCPO) Spokesperson, magpadayon gihapon ang gilusad nga imbestigasyon bisan wala pa gakooperar ang mga kabanay ni Justine.
Segun niini nga dakong hagit gayod sa mga awtoridad ang pagpangalap pa og mga impormasyon diha sa mga pamilya niini sa pagtabang nga masolbad ang insidenteng pagkahanaw sa house helper.
Matud ni Tuazon, adunay nakuhang cctv sa may Lubogan Toril sa maong oras una pa kini na-missing sobra mag-usa ka bulan na karon apan dili usab kini maklaro.
Nakatutok karon ang DCPO sa pagpangita kang Saldua sa nakuha nilang lead base sa ulahing naistorya niini sa messenger sa iyahang iyaan.
Malaumon ang PNP nga makita ug makauli gayod si Justine sa iyahang pamilya.
RadyoMaN Aimee Guinita
