Davao City – Makig-alayon ang kapulisan sa Davao City Police Office (DCPO) sa Barangay Council sa Brgy. Bago Gallera alang sa seguridad sa mga nagpuyo sa Deca Homes Subdivision sa nasampit nga lugar.
Sa interview sa DXDC RMN Davao kang Police Captain Hazel Tuazon,Spokesperson sa DCPO gisulti niya, ang Baliok Police Station, magpahigayon og pagpatrolya matag gabii sa lugar.
Segun ni Tuazon, gikinahanglan usab sa kapulisan ang tabang sa mga barangay tanod gikan sa Barangay, tungod sa kadako usab sa lugar nga sakop sa Baliok Police Station.
Subling nagpahimangno si Tuazon, sa mga lumolupyo nga motabang sa mga awtoridad, kung adunay mga kadudahang mga tawo sulod sa maong subdivision ug i-report dayon sa pulis aron mahatagan og action aron masumpo ang pagpanglungkab ug kawat sa maong lugar.
RadyoMaN Don Pulayao
Facebook Comments
