Davao City – Mas gipahugtan sa Davao City Police Office (DCPO) ang pagbantay sa seguridad sa siyudad sa Davao karong adlawng Biyernes, Disyembre 1, 2017.
Sumala ni DCPO Spokesperson Police Senior Inspector Maria Teresita Gaspan nga sugod karong adlawa mo-deploy ang DCPO og 135 ka mga police matag adlaw hangtod sa petsa 31 ning bulana.
Gidugang ni Gaspan nga duna nay kamanduan si DCPO City Director Police Senior Supt. Alexander Tagum sa tanang kapulisan nga kanunay magmaigmaton sa pagbantay sa mga aktibidad sa Davao sama sa Pasko Fiesta nga opsiyal nga paga abrihan karong adlawa.
Gikanayon ni Gaspan, dunay mga police nga gi-assign sa mga malls, sea port, terminals ug uban pa nga lugar diin asa sagad ginapundohan og mga tao.
RadyoMaN Don Pulayao
