Sa interbyu sa DXDC RMN Davao kang Police Major Catherine Dela Rey Spokesperson sa DCPO giingon niya, maximum tolerance ang ipatuman sa nagkadaiyang aktibidad diin 141 ka mga Philippine National Police (PNP) personnel, lakip na ang mga police auxiliary, force multiplier ug mga volunteers nga motabang sa pagbantay.
Segun ni Dela Rey, aduna usab magpahigayon og martsa gikan sa Association of Labor Unions (ALU) Headquarters ug adunay mga aktibidad nga ilusad sa Rizal Park ug SM Ecoland ning dakbayan.
Dugang ni Dela Rey, kung ugaling adunay magpahigayon og rally sa Freedom Park ilang ipanuguro nga hugot mabantayan ug mapasidan-an nga gidili ang pagpanghasi sa mga moagi nga motorista.
“Atol sa Labor Day, i-commemorate nato ni siya nga magmalinwon kay pariho man ta tanan nga nanarabaho and then sa kadtong naay balak magrally o ipadungog nila ang ilang mulo sa gobyerno just do it peacefully”,sulti ni Dela Rey.
Gi-awhag sa opisyal, ilabi na sa mga mopartisipar sa mga aktibidad ng maglusad og lihuk protesta mas maayo nga magsuot og face mask subay sa gipatumang health protocols tungod ang dakbayan gipailawom kini sa alert level 1.
RadyoMaN Don Pulayao
