Davao City – Gimuntar karon sa Davao City Police Office ang Task Group Buhangin ug Tugbok aron tutukan ang imbestigasyon kalabot sa mga nakaplagang mga parte sa lawas sa mga tao sa nagkadaiyang areas sa Davao City.
Nagpabiling mga unidentified ang mga patayng lawas diin niadtong bulan sa Hulyo ug Agosto unang nakita ang lawas sa usa ka babae samtang usa ka bulan kapin ang nakalabay laing lawas na usab sa usa ka tao ang nakuykuyan sa usa ka basurero didto sa may Sanitary Landfill sa may New Carmen, Tugbok.
Sa pakighinabi sa RMN Davao kang DCPO Director PSSUPT Alexander Tagum ilang susihon karon ang mga Medical School ug mga funeral homes dinhi sa syudad aron masayran paagi sa ilang disposal sa mga cadavers.
“We are closely coordinating with our Crime Laboratory kay one of the observation nga nakit-an man gud sa atong mga imbestigador is katong very methodical nga pagka-cut dili hacked wound ang pagkaputol sa mga limbs but rather it was cut cleanly in such a way nga mura’g surgical ang pagkakuha,” matud ni Tagum.
Gitataw ni Tagum nga kasamtangan wala gayuy mga report kalabot sa abduction kun mga kabanay niduol aron i-claim ang mga patayng lawas.
“We are looking at all all possibilities wala namo ni gina-consider just as a simple murder case, we are looking at the disposal of mga punerya nato ug mga medical schools para ma-determine nato asa ba gyod gikan ning mga patay,” sumala ni Tagum.
RadyoMaN Aimee Guinita
