Sa interview sa DXDC RMN Davao kang Police Captain Hazel Tuazon, ang spokesperson sa DCPO, iyang gibutyag nga adunay daghang krimen gina-post sa social media nga wala gi-report sa ilaha hinungdan nga maglisod sila og responde.
“Ang akoa lang hangyo ma’am no nga mga krimen, tulis, adto dayon sa police station aron maaksyunan nato. Kay naa man gud usahay nga naay i-post pero dili siya recorded sa police station. Unsaon namo pag-aksyun ma’am kung sa social media isumbong ang panghitabo?” matud ni Tuazon.
Kini human sa sa sagunson nga tulis karon bisan pa og adlaw. Sama sa gikawatan nga jewelry shop sa Cebu, gitulis nga pawnshop sa Koronadal ug usa ka kan-anan sa Davao City.
Gani giawhag niya ang mga negosyante nga magbutang gyud og CCTV camera sa mga establiyemento ug ihatag dayon kanila kung ugaling mabiktima man sa tulis, kawat o unsa pa nga mga krimen.
RadyoMaN Ivy Parido
