Davao City – Mas midaghan pa ang mga malapason gipatuman nga Enhanced Community Quarantine hatud sa pagparka og kaso sa corona virus disease 2019 kun COVID-19 sa tibuok siyudad sa Dabaw.
Sukad sa pag-implementar sa ECQ, mikabat sa 253 ang nasikop sa curfew, 38 ang liquor ban, ug 100 ang mga nasakpan nga wala mosunod sa social distancing ug nagpahigayon og misa diin sa pag-imposar sa community quarantine anaa na sa 273 ang napasakaan og kaso sa piskalya.
Giingon ni DCPO Spokesperson Police Captain Rose Aguilar, ang kagahi sa ulo ang ilang nakitang rason ngano padayon ang taas nga ihap sa mga nadakpan sa Enhanced Community Quarantine luyo sa ilang pahibalo sa oras sa curfew, pagpuyo sa balay, pagsuot og facemask, social distancing, ug uban pa.
Malaumon si Aguilar nga dili na unta madugangan ang ihap sa mga nadakpan ug napasakaan og kaso uban sa pag-awhag sa publiko nga sundon ang mga kalagdaan sa gipatuman nga ECQ protocol aron dil maghimas rehas sa mga presohan.
RadyoMaN Joel Viray
