Gidasig ni DCPO Spokesperson Police Capitan Hazel Tuazon ang mga kawatan ug manransa- kay og balay ug establisyemento nga mutahan nga malinawon sa mga Pulis kon buot nilang mabuhi pa’g dugay sa kali- butan o dili ba kaha masamdan sa operasyon.
Gipasabot ni Tuazon, kon mamusil ang mga kriminal wa sa’y mabuhat ang mga otoridad gawas sa pagbalos og pusil aron madepensahan ang ilang mga kaugalingon.
Gisulti ni Tuazon nga isog manukol sa mga pulis ang mga kawatan tungod armado sila og armas maong musangko gayod sa maduguon nga enkwentro ang pag-atubangay sa mga kriminal ug sa mga otoridad.
Dugang sa tigpamaba nga wa nagkuwang ang DCPO sa pasidaan sa identified nang mga kawatan apan daghan gihapon nagmagahi busa mao kini ang rason sa pinusilay tali sa kriminal ug sa pulis.
Ang giluwat ni Police Captain Tuazon ang naasoy nga pag-aghat kini human usa ka Akyat Bahay ang misuway og sud sa balay sa Phase 4 Decahomes Indangan, ang nakigbatok sa mga sakop sa Mandug PNP nga nagpahigayon og patrolya ganinang 2:50 sa kadlawon resulta sa iyang kamatayon.
Hangtod karon wa pa mailhi ang suspek kinsa gidala sa Southern Philippines Medical Center sa gikaenkwentro nga pulis diin narekober gikan sa possession sa suspek ang pistola nga Magnum nga dunay lima ka bala sa .22 nga pistola.
RadyoMaN Joel Viray
