Sa interbyu sa DXDC RMN Davao kang Police Colonel Alberto Lupaz, Director sa Davao City Police Office (DCPO) Director, gibutyag niini nga taud-taud pud nga wala naablihan ang Roxas Night Market, hinungdan nga daghang tawo ang gimingaw sa paglaag sa lugar.
“We expected mas dodoble pa ito, mas dadami pa ito in the following days kasi alam na man natin na for several months talagang COVID tayo, walang mga ganito. So, ito ‘yung nami-miss ng mga tao,” matud ni Lopaz.
Gisiguro ni Lupaz, igo ang personahe sa kapulisan diin dol-an 200 ka mga personahe ang gipakatag sa lugar. Istrikto usab ipatuman ang pagsuot og face mask samtang, gidili usab ang backpack, pagsuot og jacket ug pagdala og dili transparent nga water container.
Abli ang Roxas Night Market gikan alas 5:00 sa hapon hangtud alas 12:00 sa tungang gabii kada adlaw.
RadyoMaN Kirby Manzon
