Davao City – Kinahanglan manubag ang mga militanteng nagagamit og menor de edad sa ilang mga aktibidad gani mupasaka og kaso ang kapulisan dinhi sa syudad sa Davao batok kanila.
Gibutyag ni P/Sr. Insp. Maria Teresita Gaspan kinsa miingon nga ginatutukan nila karon ang kaso may kalabutan sa ‘Anti-Child Abuse Law’ kun pag gamit sa mga menor alang sa motibo sa maong mga grupo aron dili na matud pa kini manganad.
Subay kini sa nahitabong rally kagahapong adlawa diin sagad sa mga nagbitbit og placards mga minor pa ug nag baktas gikan sa dalang San Pedro paingon sa People’s Park dayon sa Freedom Park.
Samtang sa insidente sa Lasang, ginatun-an usab sa kapulisan ang kasong may kalapasan sa Public Assembly ingon man sa pag-ila sa mga mamahimong kasuhan.
“Nakita natin kahapon sino yung mga identified leaders so posible na sila yung makakasuhan,” batbat niini.
Dugang ni Gaspan nga gawas sa mga taga-Talaingod nga mipartisipar sa maong rally nasayran nga adunay pipila niini gikan sa Compostella Valley Province.
RadyoMaN Jason Amisola
