Davao City – Nagpahimangno ang Davao City Police Office (DCPO) sa publiko batok sa mga indibidwal nga nagapailang police officers sa DCPO pinaagi sa tawag o text ug ikaw patambungon sa usa ka hearing sa kaso kalabot sa blotter report.
Sa statement sa DCPO, ilahang giklaro nga wala sila nagahimo sa maong proseso subay sa ilahang operational procedures.
Tungod niini, gitambagan sa DCPO ang Davaoeños nga mahimong alerto kung sila makadawat og tawag o text tungod kay kini posibleng usa ka pagpangilad o scam.
Nangayo usab og kooperasyon si PCol. Richard Bad-ang, DCPO director ngadto sa Dabawenyos nga gilayong i-report sa pulis ang mga kadudahang panghitabo aron kini gilayong maaksyonan.
Gipahinumdom usab sa publiko ang kampanya nga Culture of Security nga “Kung May Nakita, Dapat Magsalita” aron padayong mamintinar ang kalinaw sa dakbayan.
RadoMaN Kirby Manzon
Facebook Comments
