Sa interbyu sa DXDC RMN Davao kang Police Major Catherine Dela Rey, Spokesperson sa DCPO gisulti niini nga dili pasayloon ang mga pulis apil na ang mga field commanders kung malambigit kini sa iligal nga aktibidad subay usab sa gipatuman nga ‘One Strike Policy’.
Gipasabot sa opisyal nga ang pulis nga maoy nagpatuman sa balaud ubos sa gipakusgang kampanya kontra droga, hinungdan nga angayan lamang nga walay personahe niini nga malambigit.
“Dapat walay PNP member nga ma-involve ani og dili gyud pasayloon or any PNP personnel nga ma-involve including ang commander kay command responsibility man na niya nga ma-monitor niya iyang personnel nga dili ma-involve sa illegal drug trade”, sulti ni Dela Rey.
Kahinumdoman nga si bag-ong hepe sa Philippine National Police Benjamin Acorda Jr. nagmando nga walay puas ang pakigbatok sa kriminalidad.
RadyoMaN Don Pulayao
