Sumala sa DCPO, maayong magplano ug sayo, magtagana sa saktong oras, aron dili magdali-dali. Magmainantuson tanan, kung masipyat dili kini taguon. Likayan ang konprontasyon, dili patulan ang agresibong driver ug unahon ang kaluwasan. Ipabilin nga anaa sa insaktong huna-huna, ginhawa ug lalom ug magpabiling kalmado.
Dili mogamit sa armas sa pakig-away, dili angay gamiton ang armas kung nasuko o sa pagpanghadlok.
Kung aduna sumala pay risgo ug pagpanghadlok, mohunong sa luwas nga lugar ug motawag sa 911 o kaha muadto sa pinakaduol nga buhatan sa kapulisan, aron matabangan nga mamahimong luwas sa kalsada.
Kahinumduman, nagsunod ang nahitabong road rage sa San Pedro St., dakbayan sa Davao nga gikalambigitan sa duha ka driver ang nagsumbagay ug road rage sa Antipolo, Rizal kung diin gitabangan sa duha ka motorista og kulata ang driver sa SUV nga nisangput sa pagpamusil nga miresulta sa pagkamatay sa usa ug tulo ang nasamdan.
RadyoMaN Bien Abanos
