DCPO, naka-standby kanunay ugaling adunay bomb threat ug hostage taking incidents sa dakbayan

Davao City – Andam kanunay ang Davao City Police Office (DCPO) ugaling adunay ma-report nga hulga sa seguridad sa dakbayan human sa sagunson karong bomb threat ilabi na gahapon sa Cebu ug ang bag-uhay lang nahitabong hostage taking sa Digos City, Davao del Sur niadtong Dominggo.

Sa interview sa DXDC RMN Davao kang Police Captain Hazel Tuazon, ang Spokesperson sa DCPO, iyang gibutyag nga bisan og walay gikatahong hulga sa pagpamomba ug hostage taking sa syudad, nagpabilin silang alerto ug naka-standby na daan ang response team sa bisan unsa mang insidente.

“Ang Davao City Police Office wala tay na-monitor nga any threat sa atong seguridad. As of today, wala tayong na-receive. Naa sad tay partnered agencies ng ga-monitor diri sa Davao. Pero dili lang gyud ta magkumpyansa. Atoa gihapon i-practice ang culture of security sa Davao,” sulti pa ni Tuazon.

Subli usab niining gipanawagan sa publiko nga dili gihapon magkumpyansa pinaagi sa kanunay gipahinumdom nga culture of security o kung may makita, dapat magsalita.

RadyoMaN Ivy Parido