DCPO nakakompiska na og 50 ka lantaka ug mga fireworks sukad niadtong selebrasyon sa Pasko

Davao City – Hugtanong gimonitor sa Davao City Police Office (DCPO)ang mga establisemento ug mga tindahan sa syudad aron walay makapalusot sa pagbaligya og mga pabuto hangtud sa pagsugat sa Bag-ong Tuig 2023 sumala ni Police Major Catherine Dela Rey Spokesperson sa DCPO human nahinabi sa DXDC RMN Davao.

Segun ni Dela Rey ang Davao City Police Office nakakompiska na og 50 ka lantaka ug unom ka pack sa triangle firecracker diin narecover kini didto sa Barangay Marilog District ning dakbayan.

Gidugang ni Dela Rey nga padayon ang gihimong monitoring sa mga awtoridad ngadto sa ilang area of responsibility (AOR).

Gipasabot ni Dela Rey nga atol sa pagsugat sa Bag-ong Tuig kung dunay mamonitor o makit-an sa kapulisan ug madakpan nga nagpabuto aksyonan dayon sa DCPO ug mag-atubang og tukmang kaso.

“Para malinawon ang pagsugat sa Bag-ong Tuig, please continue to be our partner for being vigilant sa palibot. I-report dayon sa amoa kun duna silay nahibaw-an nga mga criminality o mga crime nga nabuhat sa ilang (AOR) or kadudaduhan nga lihok.” sulti ni Dela Rey.

RadyoMaN Don Pulayao.