Sa interbyu sa DXDC RMN Davao kang Police Major Catherine Dela Rey, Spokesperson sa DCPO, gisulti niya nga sagad hinungdan nga mabiktima sa pag carnap mao ang pagpahulam sa ilang mga sakyanan apan dili na ibalik sa tag-iya.
Subling nagpahimangno si Dela Rey ngadto sa mga nanag-iya og mga sakyanan nga kinahanglan ilang i-park sa mga designated area ang ilang mga behikulo ug dili magbilin og valuable items aron dili mabiktima sa lungkab.
Gidugang sa opisyal nga walay nahitabong insidente sa carnapping didto sa Calinan District ning syudad apan sumala pa gidrayban sa menor de edad ang usa ka multicab hinungdan nga nabangga sa laing sakyanan.
“Among na-verify sa Calinan, negative tong carnapping. Bale ang kadtong bata curious siya sa sakyanan iyahang gipadagan tapos nabangga,” sulti ni Dela Rey.
RadyoMaN Don Pulayao
