Segun ni Police Captain Hazel Tuazon, DCPO spokesperson, nga ilahang gipasalig nga wala silay dapigan sa pagtuki sa kamatuoran bisan pa man opisyales pa sa ilahang han-ay ang malambigit.
Matud ni Tuazon, aduna silay lead sa pagpangita kang Saldua subay sa ulahing nakaistorya niini una pa kini na-missing sobra mag-usa ka bulan na karon.
Giadtuan usab sa mga awtoridad ang balay sa na-missing nga house helper didto sa Brgy. Upper Ulip, Monkayo, Davao de Oro, apan pakyas pa sila nga makuha ang side sa mga ginikanan subay sa gipalawmang imbestigasyon.
Samtang, naka-floating status ug temporaryong gi-assign sa opisina ni DCPO City Director Police Col. Alberto Lupaz ang gi-relieve sa pwesto si Police Major Michael Uyanguren isip station commander sa Toril Police Station nga maoy gitudlong amo sa nagpabiling missing nga si Saldua.
RadyoMaN Aimee Guinita
