Sa interview sa DXDC RMN Davao kang DCPO Spokesperson Hazel Tuazon atol sa Straight to the Point Morning Edition kauban si RadyoMan June Duterte, iyang gibutyag nga aduna na sila’y person of interest sa lungkab nga nahitabo sa usa ka grocery store sa Puan ning dakbayan ug padayon pa ilang lawom nga imbestigasyon aron malig-on ang mga ebidensya.
Sa pagkakaron, ginasubay na sa DCPO ang mga nahipos nga Closed-Circuit Television (CCTV) videos gikan sa mga establisyemento duol sa gihitabuan sa krimen ug sila nanghinaut nga pinaagi niini mahimong malampuson ang kaso sa Puan ug sa delivery express sa Catalunan Grande.
“From DCPO, kami nagapahimangno kanunay nga maging alerto ta, i-observe nato ang culture of security. Kung naay makita, ireport kana dayon sa awtoridad, sa kapulisan para maaksyonan kana dayon. Dili nato i tolerate o i-ignore o pasagdan lang kay wala ta kabalo na kita ang mabiktima ana nila sa musunod na adlaw, “ segun ni Tuazon.
Sa kanunay, pahinumdom sa DCPO nga ang katawhan ang makatabang sa kapulisan aron makab-ot ang kahapsay ug kalinaw sa dakbayan.
RadyoMan Ivy Parido
