Davao City – Naghimo na og aksyon ang Davao City Police Office (DCPO) sa report nga pagpanaygon sa mga bata sa pipila ka mga karsada dinhi sa syudad sa Davao.
Sa interbyu sa DXDC RMN Davao kang Police Captain Rosario Aguilar, DCPO Spokesperson, gibutyag niini nga ang maong mga report gilayo’ng ginapaadtuan sa kapulisan diin kung kini menor de edad, kini gina-rescue ug ginabalik sa ginikanan o kaha gina endorso sa social workers.
Matud ni Aguilar nga kung kini edaran na usab, gina-imbestigahan nila kini labi na nga mga essential movements lamang ang ginatugot tungod sa Coronavirus Disease 2019 (COVID-19) pandemic ug gibawal na usab sa City Government of Davao ang pagpanaygon.
“Kung hamtong napud na siya, tan-awon pud nato kung unsay pwede i-complain sa iyaha kay ginadili na man gyud ang mugawas sa balay. Kanang iyang pagpanaygon dili man na essential,” segun ni Aguilar.
Nasayran nga sagad ma-report nga adunay mga bata nga naga-caroling partikular na sa dalang J.P Laurel ning dakbayan.
RadyoMaN Kirby Manzon
