Davao City – Naka-full alert ug magpatuman og ‘No Leave Policy’ ang Davao City Police Office (DCPO) atol sa Kalag-kalag 2018.
Segun ni DCPO Spokesperson P/Sr. Insp. Ma. Teresita Gaspan nga 24/7 nga magbantay ang mga daghang ihap sa mga pulis sa mga sementeryo ug aron masiguradong hapsay ang paghinumdom sa Todos Los Santos ug adlaw sa mga minatay.
Sugdan ang soft deployment sa mga awtoridad karong Oktobre 30 ug buyluhan na og deploy ang kapulisan kutob Nobyembre 4.
Pahimangno sa tigpamaba nga aron dili makahigayon ang mga kawatan nga mu-atake sa mga panimalay samtang walay tao likayan ang pag-anunsyo sa mga social media ug siguraduhong nakakandado kini og tarong kun dili kinahanglan nga adunay magbantay.
Pahimangno sa tigpamaba nga angay nga mag atiman na og sayo ang matag pamilya sa mga lubnganan kay hugot nga ibawal gayod sa kapulisan ang mga hinagiban ug uban pang mga delikadong mga butang.
Pang imbarguhon usab sa entrada pa lang ang mga ilimnon, speakers, baraha ug uban pang mga maka isturbo sa aktibidad sa Kalag-kalag.
RadyoMaN Aimee Guinita
