Davao City – Nagpadayon ang ginahimong ‘training’ kun pagbansay sa mga personahe sa Davao City Police Office (DCPO) nga adunay medical background aron sila na ang mangunay kung adunay himuon nga swab test sa mga DCPO personnel lakip na sa mga PDL (Persons Deprived of Liberty).
Sa interview sa DXDC RMN Davao kang Police Captain Rosario Aguilar, DCPO Spokesperson, gibutyag niini nga anaa sa 31 ka mga personahe nga gitunga sa 3 batches ang target nga bansayon diin nahuman na ang unang batch ug i-sunod ang laing batch karon nga semana.
“Ang purpose ato (training) is para daghan na karon ang tabangan nato ang kusog sa CHO (City Health Office). Naa silay (training), three batches man gud ‘to. So, first batch pa lang ang nahuman, 16 (personnel) pa lang ang nahuman,” saysay ni Aguilar.
Matud ni Aguilar, kung kinahanglan nga magpahigayon og swab test batok Coronavirus Disease 2019 (COVID-19), mamahimo na nga makapahigayon niini ang mga personahe nga nahuman na og training alang niini.
RadyoMaN Kirby Manzon
