Sa interbyu sa DXDC RMN Davao kang Police Col. Alberto Lupaz, DCPO City Director nagpatuman sila’g 24/7 nga intensified checkpoints human sa sunod-sunod nga pagpamomba sa pipila ka mga lugar sa Mindanao.
Nagpakatag si Lupaz og daghang mga personahe sa syudad, aron magbantay ug masigurong dili makalusot ang mga dautang elemento nga buot maglusad og kasamok sa dakbayan.
Nagpahimangno si Lupaz sa publiko nga ipatuman ang culture of security, magdoble igmat ug i-report gilayon sa kapulisan kung adunay mga suspitsyusong mga tao o butang sa palibot aron dali kining maaksyunan.
Niadtong nakalabayng semana adunay twin blast nga nahitabo sa Koronadal ug Tacurong City, samtang laing duha ka pagbusikad sa Basilan Province ang nahitabo sa Mayo 30, 2022 diin duha ang natalang angol sa insidente.1
RadyoMaN Aimee Guinita
