Davao City – Dako og kahimuan ang P300,000 nga reward money nga gitanyag sa City Government of Davao sa makatudlo sa mipatay sa 47-anyos sa ginang nga nakit-an na lamang sa kasagbutan nga bahin sa Ladislawa Village, Brgy. Buhangin Proper Davao City niadtong Lunes (Marso 1, 2021).
Sa interbyu sa DXDC RMN Davao kang Police Captain Rosario Aguilar, Spokesperson sa Davao City Police Office (DCPO), gisaysay niini nga mas mapadali ang pag-ila sa responsable sa krimen pinaagi sa pag-offer og reward money sa makatudlo niini.
Matud ni Aguilar, muagi usab og imbestigasyon oras nga aduna nay makatudlo sa suspek sa krimen diin walay undang ang ginahimong imbestigasyon sa kapulisan sa pagpanguna sa Buhangin PNP labot sa insidente.
“Dili pud pwede nga pag tug-an nila, dili ‘ta mag imbestiga, imbestigahan gihapon. Atoa gihapon na siyang susihon unsa ka matuod og giunsa niya pagkabalo nga kana o kadtong tawhana ang suspetsado,” segun ni Aguilar.
Gibutyag ni Aguilar nga aduna nay nakuhang CCTV (closed-circuit television) footage ang kapulisan sa area nga makatabang sa pagsulbad sa krimen ug aduna na usay person of interest ang kapulisan labot sa panghitabo.
RadyoMaN Kirby Manzon
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
