Sa interbyu sa DXDC RMN Davao kang Police Major Catherine Dela Rey Spokesperson sa DCPO miingon kini nga ang mga tambay mahimong partner sa pulis isip force multiplier sa pagtabang og pagsumpo sa kriminalidad.
Segun ni Dela Rey, dili lang mga tambay ang gamiton sa mga awtoridad pwede usab ang mga nagpuyo sa mga komunidad nga mahimong motabang sa pagpadangat og impormasyon ngadto sa kapulisan.
Gipasabot sa opisyal, kulang ang pulis sa dakbayan sa Davao diin ang ratio niini anaa sa one is to eight hundred (1-800) nagpasabot kini nga ang usa ka pulis mobantay og 800 ka mga tawo.
“Pwede sila gamiton kay part man sila sa community. Pwede sila gamiton nga eyes and ears diha sa ilahang isig barangay ug mahimong informant, mura gihapon og force multiplier,” sulti ni Dela Rey.
Kahinumduman usa ka opisyal sa Police Regional Office sa Central Visayas (PRO-7) nagplano sa pag-tap sa mga bystander ug ubang mga tawo sa kadalanan aron makatabang sa pagmintinar sa kalinaw ug kahapsay sa komunidad luyo sa kakulang sa mga pulis.
RadyoMaN Don Pulayao
