Davao City – Magpahigayon og imbestigasyon ang Davao City Police Office (DCPO) sa alegasyong pagpangulata sa hepe sa Special Operations Group (SOG-DCPO) sa usa ka police auxiliary.
Sa interbyu sa RMN Davao kang DCPO head Police Col. Kirby John Kraft, gi-relieved niini sa pwesto si SOG Chief Police Captain Nolan Tagsip alang sa himoong imbestigasyon sa insidente samtang gipaabot pa niini ang report gikan sa Sasa Police Station ang report sa maong insidente.
Gisulti ni Kraft nga mamahimong patas ang DCPO ug giawhag ang complainant nga mupasang-at og kaso sa ilang buhatan o sa PNP Internal Affairs Service (IAS).
“Pinapa-conduct na natin ang investigation, pinasa-submit ko ng report ang station commander ng Sasa. Kung may basehan ba iyong sumbong o reklamo ay gagawan natin ng kaukulang aksyon, isa siguro dito ay ire-relieve muna natin si Captain Tagsip para hindi niya maimpluwensiyahan ang on-going investigation,” sumala ni Kraft.
Gitin-aw niini, dili nila i-tolerate ang pag-abuso sa mga awtoridad ug ipaagi sa due process ang tanan.
Nidangop sa DXDC RMN Davao ang pamilya sa police auxiliary nga si Louie Hermosilla human giingong gikulata ni Tagsip aron paangkunon matud pa sa pagtulis ug pagpatay sa usa ka retired seaman sa Barangay Sasa ning syudad sa Davao.
Samtang, gisulayan sa DXDC RMN Davao og kuha ang kabahin ni Special Operations Group (SOG) Chief Police Nolan Tagsip sa maong akusasyon apan wala pa kitay nadawat nga tubag.
RadyoMaN Aimee Guinita
