Sa interbyu sa DXDC RMN Davao kang Police Major Catherine Dela Rey, tigpamaba sa DCPO, gi-discourage niini ang mga commuter lakip na private vehicles nga muhatag sa nahisgutan aron sila dili usab maaghat nga mangayo sa mga sakyanan.
Matud ni Dela Rey nga makig-alayon ang DCPO ngadto sa Davao City Social Welfare and Development (CSWDO) aron nga malikayan ang pagdagsa sa mga lumad bisan kadtong mga residente gawas sa dakbayan.
“Akong i-coordinate ang CSWDO na mag-tap sa uban pud nilang mga counterpart sa laing probinsya para kung naa silay mamonitor na mubaba (nga lumad) asa man galing nga lugar, at least ma-stop na daan na dili na pasudlon diri,” sulti sa police official.
Una nga gipasalig sa Davao CSWDO sa mga lumad sa Davao partikular na kadtong anaa sa Marilog, Paquibato ug Baguio District nga dili na usab sila kinahanglang mulugsong pa dinhi sa sentro tungod kay personal na nga itunol kanila ang ilang pinaskohan gikan sa lokal nga panggamhanan.
RadyoMaN Kirby Manzon
