Davao City – Ginatun-an pa karon sa Davao City Police Office (DCPO) ang pagwagtang sa mga quarantine control points tungod sa hinay-hinay nga pagpaluag sa Coronavirus Disease 2019 (COVID-19) restrictions sa syudad sa Davao.
Sa interbyu sa DXDC RMN Davao kang Police Colonel Kirby John Kraft, DCPO Director, giluwatan niini nga mag-agad sila sa rekomendasyon sa health experts kabahin niini apan sa pagkakaron padayon gihapon kining ipatuman.
“Hihingi po tayo ng recommendation ng mga health expert po natin kung kinakailangan po nating alisin po ito (quarantine control points). Pero for the meantime na wala pa tayong nakukuhang recommendation, mananatili po ito na gi-enforce na minimum public health standards,” saysay ni Kraft.
Dugang sa DCPO Director, mamahimo usab nga kunhuran ang mga quarantine control points sa umaabot nga panahon ilabi na nga nagkaluag na ang restrictions tungod sa pag-ubos sa COVID-19 cases.
Bag-ohay lamang, giwagtang na ang curfew sa syudad ug gi-modify ang liquor ban gani gitanggal na usab ang barrier sa motor ug public utility vehicles (PUVs) ug ang pagsuot sa mandory face shield.
RadyoMaN Kirby Manzon
