Davao City – Na-sorpresa ang pipila ka mga Dabawenyo sa pakulo nga gihimo sa Davao City Police Office (DCPO) kagahapong adlawa atol sa Valentine’s day.
Gisorpresa sa mga personahe sa kapulisan pinaagi sa paghatag og bulak sa mga emepleyado sa gobyerno, mag magtutudlo, estudyante, mga drayber, pasahero, tindero ug sa mga maaktuhan sa karsada o sa park o bisan kadtong anaa sulod sa mga tindahan.
Gawas sa tradisyunal nga paghatag og bulak sa mga babae, gihatagan usab og heart sticks ang mga kalalakin-an nga adunay nakasulat nga “STOP Violence Against Women.”
Sa interbyu sa DXDC RMN Davao kang Police Captain Rosario Aguilar, Spokesperson ng DCPO, gibutyag niini nga dapat mawala ang huna-huna nga istrikto ang mga pulis kun dili aduna ang ideya nga aduna usay silay malumong mga kasing-kasing.
“Kini daw ang pulis isog ug gahi. Pero remember sa iyang kagahi, ang likod ana ang humok nga kasing-kasing nga mahigugmaon sa isig ka tao,” saysay ni Aguilar.
RadyoMaN Kirby Manzon
