Davao City- Mas gipahugtan pa sa kapulisan ang implementasyon sa General Community Quarantine (GCQ) with heightened restrictions sa syudad.
Matud ni Davao City Police Office (DCPO) spokesperson Police Captain Rosario Aguilar gi-intensify nila ang police visibility sa mga kadalanan aron masiguro nga essential lang ang mga travel sa tawo.
Bantay sirado ang mga awtoridad sa tulo ka mga fixed checkpoints nga nahimutang sa Lasang, Marilog ug Toril diin ubay-ubay na ka mga sakyanan ang naharang ug wala pa makalusot.
Segun ni Aguilar, kinahanglan nga strikto nilang ipatuman batok sa mga violators sa quarantine ang balaod aron matabangan ang Davao LGU nga makontrola ang pagdaghan sa mga matakbuyan sa COVID-19.
Sa June 16-September 6, 2021 nga datos sa DCPO, dul-an 80,000 na ka mga GCQ violators ang nadakpan diin sa curfew 11,484 ka mga indibidwal, Liquor ban 222 violators, social gathering 17, 147 violators, face mask 20, 762 violators, face shield 16, 739 violators, pillion riding 4,693 ug 721 ang naharang nga mga non-essential travel.
RadyoMan Aimee Guinita
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
