Davao City – Nitaas ang kasong rape karong tuiga sumala sa Davao City Police Office.
Gibutyag ni DCPO head PSSUPT. Alexander Tagum nga anaa sa singko anyos ngadto sa dose anyos ang mga sagad biktima sa pagpanglugos dinhi sa syudad ug ang mga suspek ilaha ra gihapong kaugalingong mga kadugo o mga higala sa pamilya.
Sugod Enero hangtod Setyembre karong tuiga adunay 58 ka kaso sa rape ug mas taas kini sa pareho nga period niadtong niaging tuig 2016 nga 54 rape cases.
Matud usab ni Tagum nga kasagaran sa mga suspek nalambigit sa iligal nga droga.
Tungod niining nagkataas nga ihap sa kaso sa rape, ilusad sa DCPO sunod bulan ang ilang Kinder Cop Program sa tanang mga eskwelahan parte sa paghatag og impormasyon ug edukasyon sa mga kabataan aron dili sila mamahimong biktima sa pagpangabuso ug mareport dayon nila kini sa mga awtoridad.
Dugang ni Tagum, dunay natala nga 12 ka kaso sa rape karon lamang bulan sa Oktobre, 11 ka suspek priso na ug napasakaan na ug kaso samtang dunay usa padayon pang ginapangita karon sa kapulisan.
RadyoMaN Aimee Guinita
