Davao City – Andam na ang kapin 6,000 ka mga personahe sa Davao City Police Office (DCPO) lakip na ang police auxiliaries nga i-deploy sa pagsugod sa Davao Pasko Fiesta karong Disyembre 2022.
Sa interbyu sa DXDC RMN Davao kang Police Major Catherine Dela Rey, tigpamaba sa DCPO, gisaysay niini nga ilang giseguro nga mamahimong hapsay ug luwas ang pagselebrar sa Yuletide Season ilabi na ang Simbang Gabi sa Katoliko dinhi sa dakbayan.
“First nato’ng gipangandaman ang kaning sa Simbang Gabi. So, sa 41 ka mga simbahan sa tibuok dakbayan sa Davao, mag-provide ‘ta, mag-deploy ‘ta og more or less 600 personnel,” butyag ni Dela Rey.
Base sa schedule of activities nga gipagula sa Davao City Tourism Office, sa Disyembre 1, 2022 ipahigayon ang Pasko Fiesta Opening ug Official Lighting of Christmas Tree sa Rizal Park alas 6:00 sa gabii ug sundan sa mga nakalinyang aktibidad hangtud sa Disyembre 25.
RadyoMaN Kirby Manzon
Facebook Comments
