Sa interbyu sa DXDC RMN Davao kang Police Major Catherine Dela Rey, DCPO Spokesperson, gihulat nalang sa kapulisan ang warrant of arrest sa kasong rape with homicide nga ipagawas sa korte aron masilbi kini batok sa suspek sa krimen.
Sumala ni Dela Rey, ni-corroborate o nagtukma ang mga testamento sa mga gihawirang saksi sa kapulisan ug nakuhang mga ebidensiya sa inbestigasyong gilusad sa awtoridad ngadto sa nag-inusarang suspek kinsa apohan sa biktima sa mangilngig nga krimen niadtong Disyembre 4, 2022.
Nagpabiling gawasnon ang suspek apan nakatutok ang mga awtoridad sa maong kaso aron sa hingpit, makonsidera nila kining case closed ug solved.
Niadtong Sabado, gilubong na ang 12 anyos nga biktima ug hustisya ang padayong singgit sa ginikanan ug kabanay ilabi na nga lisod alang sa ilang pamilya nga dawaton tungod ang suspetsado mao mismo ang lolo kinsa amahan sa inahan sa biktima.
RadyoMaN Aimee Gunita
