Sa interbyu sa DXDC RMN Davao kang Police Major Catherine Dela Rey, DCPO spokesperson, gitagaan ni DCPO Chief Police Col. Alberto Lupaz ang SITG sa duha ka semana sa pagpalalom sa inbestigasyon aron mahatagan gilayon og kasolbaran ang kaso.
Matud ni Dela Rey, adunay silay gitutukan nga mga persons of interests sa krimen.
Anaa na usab gihawirang CCTV footage ang Tugbok Police Station.
Gikanayon ni Dela Rey, personal grudge may kalabutan sa negosyo ug robbery ang anggulong gilantaw sa kapulisan.
Wala usab gibalewala sa mga awtoridad ang mga nanggawas nga mga alegasyon sa social media may kabahin sa pagpatay sa biktima ug lakip usab kini sa ilang giimbestigahan.
Giawhag sa DCPO ang publiko nga dili lang sa social media ideretso o maki-Marites lang apan kung aduna silay mga nahibaw-an nga makatabang sa pagsulbad sa krimen moduol gilayon sa mga awtoridad.
RadyoMaN Aimee Guinita
