Davao City – Subling nagpahimangno ang Davao City Police Office (DCPO) sa publiko nga istriktong tumanon ang usa ka metros nga physical distancing.
Gimandoan ni DCPO City Director Police Col. Kirby John Kraft, ang mga personahe nga nakadeploy sa mga public areas nga i-imposar gayod kini aron mapugngan ang pagkuyanap sa COVID-19.
Matud ni Kraft, wala pay memorandum gikan sa national headquarters mahitungod sa enforcement sa pagdili sa Public Display of Affection (PDA) partikular na sa mga mag-uyab, magtiayon o magpares, apan bisan pa man nga walay memo kinahanglan sundon ang social distancing protocols.
“Ang ina-apply kasi natin iyong minimum health protocols, iyong social distancing. Iyong PDA kasi wala pa kaming memo galing sa taas,” sumala ni Kraft
Mag-agad ang DCPO sa health officials kung kinahanglan magpatuman pa og mas hugot nga quarantine measures tungod sa surge sa kaso sa COVID-19 sa nasud ug sa presensya sa COVID-19 variants.
RadyoMan Aimee Guinita
