Davao City – Usa sa gisubay karon sa nagpadayong imbestigasyon sa kapulisan mahitungod sa ‘Davao Bunal / Latigo Squad’ mao ang anggulong away sa mga batan-on tungod kay sa gawas sa internet café man nahitabo ang pagpamunal sa mga batan-on ug dili sa sulod.
Sumala ni Davao City Police Office (DCPO) Director Police Col. John Kirby Kraft, nasuta na sa ilang imbestigasyon nga wala sa sulod nahitabo ang pagpanglatigo ug gituhuang away sa mga batan-on ang hinungdan.
Samtang gipasalig usab ni Kraft nga dili angay mabalaka ang mga tawo batok niining giingong tigpamunal tungod kay adunay mga personahe sa DCPO ang gi-deploy aron madakpan ang mga sakop niini.
Gitataw usab sa hepe sa DCPO nga dili maayo kini nga pamaagi aron madisiplina ang mga kabatan-onan nga daw sama sa ‘vigilante’ tungod kay supak kini sa balaud.
RadyoMaN Bernard Pantallon
