Davao City – Nanawagan karon si Davao City Police Office Director PSSUPT Alexander Tagum sa mga nalambigit sa mga kriminalidad nga musurender og malinawon.
Kahinumduman nga niadtong Martes napusilan-patay sa mga operatiba ang usa ka suspetsado sa pagpangawat nga si Jason Flores Gomez, 18 years old, single, residente sa Lower Madapo, Brgy 5-A, Bankerohan, Davao City human kini giingong misukol.
Ang suspek kanhi Children in conflict with the law ug naaresto kini sa kasong kawat ug pagpangulata.
Niresponde ang mga kapulisan sa DCPO sa sumbong sa biktima sa kawat ug atol sa pagdakop sa mga awtoridad kalit nga nibunlot ug armas ang batan-on og giunhan na na kini sa mga awtoridad silbig ilang depensa atol sa insidente.
“Mao nay ginaingon nako sa mga kriminal nga ma-timingan sa mga kapulisan nato nga please ginahangyo nako nga ayaw namo pagkontra and you surrender peacefully sa atong mga kapulisan para walay problemang mahitabo,” sumala ni Tagum.
Apan giklaro ni Tagum nga ang mga personahe gipailawom karon sa imbestigasyon ug posibleng mapasakaan og kaso.
Wala usab gikalipay ni Tagum nga adunay makalas nga kinabuhi busa hangyo niini nga makigkooperar na lamang sa mga tinugyanan sa balaod.
“Abi ba ninyo nga nalipay mi nga naay napatay ang kapulisan para sa inyong kaalaman ang atong mga kapulisan nga na-involved aning shooting incident are now facing administrative and criminal cases nga ginaatubang nila karon tungod kay na-involved sila sa usa ka shooting incident nga supposedly in the defense of themselves sa ilang performance of duty,” segun ni Tagum.
RadyoMaN Aimee Guinita
