Sa interbyu sa DXDC RMN Davao kang PMAJ. Dexter Domingo, Traffic Enforcement Unit (TEU) – DCPO chief, gikan Nov. 7, 2022 (12:01 AM) hangtud Nov. 13, 2022 (11:59 PM) dul-an usa ka libong traffic violators ang ilang nadakpan sa dakbayan sa Davao.
Matud ni Domingo, gi-intensify nila sa kadalanan ang implementasyon sa Local ug National Traffic Laws partikular na sa RA 4136 EO 39 ug uban pang traffic related laws.
Sa datus, ilawom sa EO 39 series of 2013 Speed Limit, 243 ka indibidwal ang nadakpan ug giisyuhan og City Traffic Citation Ticket (CTCT), sa night operation batok Drunk/Reckless ug implementation sa RA 4136 and other traffic laws, 24 ang naisyuhan og Temporary Operator’s Permit (TOP) samtang 144 ang naisyuhan og CTCT. Sa Lambat Bitag Sasakyan operation 18 ang naisyuhan og TOP ug 145 ang sa CTCT.
Sa maong period, 33 ka Road Crash Incidents ilawom sa area of responsibility sa TEU ang ilang na-imbestigahan.
Mosumada sa 997 CTCTs ug 178 TOPs ang naisyu batok sa violators sa traffic laws.
Subay sa mando sa higher authority, nihanyag usab og mga motorcycle escort ug road security sa mga VIPS ug Dignitaries ang DCPO-TEU.
RadyoMaN Aimee Guinita
