Davao City- Nakigkoordinar ang Davao City Police Office-Traffic Enforcement Unit (TEU) sa Regional Anti Cybercrime Unit (RACU) sa pag-enhance sa nakuhang CCTV footage sa nahitabong hit-and-run sa may McArthur Highway pasado alas-12 sa kadlawon niadtong Enero 26, 2023.
Segun ni TEU chief Police Major Dexter Domingo, nakuhaan sa maong CCTV ang disgrasya ug pagsibat sa pick-up nga puti.
Gitataw ni Domingo wala sila nihunong sa paggukod sa responsable sa insidente diin dead on the spot ang 22 anyos nga biktimang si Ana Mae Talili.
Aron mahataga’g hustisya ang kamatayon sa biktima nanawagan ang mga awtoridad sa adunay impormasyon sa drayber sa maong sakyanan pwedeng itawag o itext ang impormasyon sa TEU Hotline Numbers: Smart-09104599908, Globe-09454680888 ug Landline-296-0771.
Kasong reckless imprudence resulting to homicide ang ipasaka batok sa suspek kung maidentipika na kini.
RadyoMaN Aimee Guinita
Facebook Comments
