Davao City- Malampusong nadakpan ang gikonsiderang Regional Level’s Top 4 High Value Individual (HVI) sa gilusad nga joint buy-bust operation sa PS 13 Mandug Police Station, RSOG-RPDEU 11 ug RMFB XI didto sa Brgy. Tigatto, Davao City (Marso 23, 2022).
Gibutyag ni Davao City Police Office City Director Police Col. Alberto Lupaz, nadakpan ang suspek nga si Ibrahim Payag Adil alyas “BOSS”, 33 anyos, residente sa Crossing Simuay, Sultan, Kudarat, Maguindanao human kini mapalitan og P38,000 nga shabu sa pulis nga nagsilbing poseur buyer ug dugay na kining gipanid-an.
Nakuha usab sa suspek ang pito ka pakete sa shabu nga anaa sa 40 gramos o estimated market value nga P640,000.00.
Ang suspek gikustodiya sa Mandug Police Station ug mag-atubang kini’g kasong paglapas sa RA 9165 kun Dangerous Drugs Act of 2002.
RadyoMaN Aimee Guinita
Facebook Comments
