Davao City –Gisilyohan sa Davao City Police Office ug Optical Media Board ang ilang kasabutan nga gipangunahan ni Director Police Senior Superintendent Alexander Tagum ug sa tag-as nga opisyal sa OMB di pa lang dugay.
Tumong matud pa sa mao nga kasabutan mao nga mas paskugan pa sa DCPO ug OMB ang operasyon batok sa pirata nga mga DVDs ug uban pa nga mapalit sa kadala-nan ug sa katindahanan sa siyudad sa Dabaw.
Nagpanukad ang mao nga kasabutan human nakumpirmar nga kuyanap sa siyudad ang pirata ug peke nga mga DVD sa lahi-lahi nga mga pasalida ug mga musika nga mapalit lang sa barato nga kantidad ikumpara sa orihinal nga kopya.
Nasayran nga nakadawat og daghang reklamo ang Optical Media Board nga nag-hitak ang pirata ug peke nga DVDs sa dakbayan nga maoy hinungdan sa gilusad nga operasyon inabagan sa DCPO.
Mukabat sa 443 ka sako sa pirated items ang nakumpiska sa mga otoridad gikan sa mga tindahan sa Barangay 23-C kansang mukantidad tanan og kapin 60 milyones ka pesos.
RadyoMaN Joel Viray
