Davao City – Nagmalinawon ang unang adlaw sa kampanya sa mga kandidato sa Barangay and Sangguniang Kabataan Election (BSKE) 2023 sa syudad sa Davao, segun sa Davao City Police Office (DCPO).
Sa pakighinabi sa DXDC RMN Davao kang Police Captain Hazel Tuazon,ang Spokesperson sa DCPO gibutyag niini, walay natala nga election related incident, subay sa monitoring sa tanang Police Station sa dakbayan.
Malaumon si Tuazon, magpabilin nga malinawon og walay dagkong panghitabo hangtud sa election karong Oktubre 30 ning tuiga.
Gi-awhag sa opisyal, ang mga kandidato nga mangampanya lang og tarung, dili magmugna ug kasamok ilabi na sa mga supporters nga magbaton og disiplina sa kaugalingon, aron magpabilin ang kahapsay og kalinaw sa umaabot nga piniliay.
“Kamo nga mga nanagan kamo nay mubadlong sa inyong mga tao,kung gusto ta magmalinawon disiplina ang kailangan sa mga midagan”,sulti ni Tuazon.
RadyoMaN Don Pulayao
Facebook Comments
