DCPO uyon sa anti-COVID law

42

Davao City – Gipabaron karon sa Police Regional Office (PRO-XI) ang panawagan nga magpanday og Anti-COVID Discrimination Ordinance aron maprotektahan ang tanang mga frontliners gikan sa diskriminasyon ug dili makatarunganon nga tratamento kanila.

Gi-uyonan karon ni PRO-XI Spokesperson Maj. Eudisan Gultiano ang sugyot nga magmugna og balaud nga magsilot sa mga tawo nga mambastos ug mupakita og dili maki-angayon nga pagtagad sa mga frontliners ug mga COVID-19 patients.


Hinoon, giingon ni Gultiano nga mamahimo sa gihapong makasohan ang matag indibidwal kinsa mupakita og dili maayong tinagdan ug manulti og sakit nga istorya sa mga frontliners ug COVID-19 patients sama sa ‘unjust vexation’ ug uban pa subay kini sa Revised Penal Code of the Philippines.

Mas labaw nang mag-atubang og kaso ang bisan kinsang magpasakit og pisikal kun mangdapat og pisikal sa mga giila karon ning panahon sa COVID-19 nga mga bag-ong bayani sa nasud karon gumikan sa ilang pagsakripisyo sa ilang kinabuhi diha sa pakigbatok sa corona virus.

Tambag sa maong opisyal ngadto sa publiko nga dili mo-kumpiyansa kay bisan og walay balaud nga manalipod sa mga frontliners ug COVID-19 patients gikan sa pagbiay-biay, puwede gihapon silnga gukdon ug kasohan nga mao unyay magpadugta kanila sulod sa prisohan.

RadyoMaN Joel Viray

Facebook Comments